Հիպերակտիվության համախտանիշ

Հիպերակտիվությունը երեխաների մոտ արտահայտվում է տարիքային զարգացմանն անհամապատասխան անուշադրությամբ, ցրվելու հակումով, իմպուլսիվությամբ և գերշարժունությամբ:

Հետազոտողների մեծ մասը նկատել են դրսևորումների երեք բաղկացուցիչ մաս.

  • ուշադրության դեֆիցիտ,
  • իմպուլսիվություն,
  • բարձր շարժողական ակտիվություն:

Կան նաև ուրիշ դասակարգումներ, որոնք իրենց մեջ ունեն նաև այլ որակներ.

  • գերակտիվություն,
  • ցրվածություն և թափթփվածություն,
  • իմպուլսիվություն,
  • բարձր գրգռվողականություն:

Մասնագետները կարծում են, որ գերակտիվությունը դրսևորվում է նաև ընկալման շեղումների մեջ: Դա հանգեցնում է նրան, որ երեխաները դժվարություններ են ունենում ուսման մեջ և շրջապատի կողմից սիրո ընդունման մեջ, որովհետև հաճախ սխալ են ընկալում առարկաները, տառերը, բառերը և այլն, իսկ հարաբերություններում դժվարություններ են ունենում, որովհետև սխալ են ընկալում ծնողների և շրջապատողների սիրո դրսևորումները:

Տարիքի հետ զուգընթաց, մինչև դեռահասություն գերակտիվությունը, հիպերակտիվությունը, որպես կանոն անցնում են, բայց իմպուլսիվությունն ու ցրվածությունը մնում են:

Հիպերակտիվության հիմքում որպես կանոն ընկած է գլխուղեղի մինիմալ դիսֆունկցիան:

Չնայած այն հանգամանքին, որ հիպերակտիվության դժվարություններով զբաղվում են շատ մասնագետներ` հոգեբանները, մանկավարժները, հատուկ մանկավարժները, հոգեբույժները, այնուամենայնիվ ծնողների և մանկավարժների շրջանում դեռևս պահպանվում է այն տեսակետը, որ հիպերակտիվությունը վարքային խնդիր է: Շատ հաճախ նույնիսկ այս խնդիրը համարում են ուղղակի դաստիարակության բացթողում, ինչպես նաև ամեն քայլափոխին երեխաներին կոչում են հիպերակտիվ՝ ուղղակի մի քիչ ավելի շարժուն լինելու պատճառով: Այս մոտեցումը արդարացված չէ:

Հիպերակտիվությունը համարվում է բժշկական խնդիր և այդ ախտորոշումը կարող է դնել միայն մասնագետ-բժիշկը: 

Հիպերակտիվության պատճառը հիմնականում հղիության կամ ծննդաբերության պաթոլոգիաներն են, կյանքի առաջին տարիների ինֆեկցիաներն ու ինտոքսիկացիաները, ժառանգական նախատրամադրվածությունը: 

 

Անուշ Ալեքսանյան
«Ինչ պետք է իմանան անցանկալի վարքի մասին մանկավարժները»

 

Կարդացեք նաև

Խնդիրներ

Ագրեսիվ երեխաներ

Ագրեսիան որպես կանոն անսպասելի չի առաջանում: Կարող է առաջանալ տարբեր միջանձնային փոխհարաբերությունների, հրահրման հետևանքով: Ընդ որում խոսքային և ոչ խոսքային դրդիչների հետևանքով կարող է առաջանալ ֆիզիկական ագրեսիա:

27.12.2017
Խնդիրներ

Տագնապային և վախեր ունեցող երեխաներ

Տագնապ բառը ավելի վաղ է ծագել ցույց տալու համար անորոշ լարվածության և անհանգստության զգացում: Դրանից հետո ծագեց նաև տագնապայնություն բառը, որը բնորոշում է անձնային որակ, մարդ որը առավել հակված է տագնապի:

27.12.2017
Խնդիրներ

Մանկավարժորեն բարձիթողի երեխաներ

Մանկավարժական բարձիթողություն կարող է առաջանալ այն դեպքում, եթե սոցիալ-մանկավարժական անբարենպաստ պայմաններն առաջացել են տարիքային զարգացման այն փուլում, երբ երեխայի ուղեղի իմացական և ինտելեկտուալ հիմնական որակներն արդեն քիչ թե շատ ձևավորված են:

27.12.2017