Արդյո՞ք երեխաս ունի հոգեբանի կարիք

Երեխան ինքնամփոփ է, խուսափում է հասակակիցների հետ շփումից:

Կոնֆլիկտային հարաբերություններ ունի քրոջ կամ եղբոր հետ:

Խանդում է ծնողներին քրոջ/եղբոր նկատմամբ քնքշանք կամ սեր դրսևորելիս:

Հաճախ անկառավարելի վարք ունի:

Հաճախ է հայտնվում իր համար վտանգավոր իրավիճակներում:

Չի ենթարկվում, ծնողներին, հունից հանում է մեծահասակներին:

Երեխան գերակտիվ է, անդադրում, իմպուլսիվ, չի կարողանում կառավարել իր գործողությունները:

Ունի անհաղթահարելի վախեր և ֆոբիաներ:

Երեխան ունի ցածր ինքնագնահատական, դժգոհություն սեփական անձից, տեսքից, հնարավորություններից և այլն:

Ագրեսիվ է, վատ բառեր է ասում, կամ կոնֆլիկտային է, դիտավորյալ վնասում է, խփում իրենից փոքրերին կամ ծնողներին, վնասում է կենդանիներին:

Երեխան մտերիմ բարեկամ, ծնող, հարազատ կամ սիրած կենդանի է կորցրել:

Երեխայի ծնողները ամուսնալուծվել են:

Ծանր սթրես է տարել` բռնություն, կորուստ, դաժան վերաբերմունք, երկարատև բաժանում, ավտովթար, պատերազմական իրավիճակներ, տարհանում, հոսպիտալացում և այլն:

Չափազանց հաճախ է հիվանդանում, հաճախակի փորացավեր, գլխացավեր ունի:

Հինգ տարեկանից մեծ է արդեն և գիշերամիզություն ունի:

Երեխայի մոտ հաճախակի անկառավարելի մանկական օնանիզմ է նկատվում:

Դանդաղկոտ է, կաշկանդված, իրեն պաշտպանել չի կարողանում:

Երեխայի վարքում մի քանի անգամ նկատվել է գողության դրսևորում:

Վտանգավոր վարքագիծ ունի:

Հաճախակի ստում է:

Ունի ուսումնական դժվարություններ, չի հասցնում դպրոցում:

Երեխան ակնհայտ տարբերվում է իր զարգացման մակարդակով, վարքով կամ որևէ այլ բանով իր հասակակից երեխաներից:

Ունի ուշադրությունը կենտրոնացնելու կայուն դժվարություն:

Կակազում է:

Ուրիշների ներկայությամբ կամ առհասարակ երկարատև լռելու հակում ունի, խոսքի լիարժեք զարգացման պարագայում, չի պատասխանում իրեն ուղղված հարցերին:

Քնի խանգարումներ ունի` դժվար է քուն մտնում, շատ խորն է քնում, մղձավանջներ է տեսնում, հանկարծակի արթնանում է, քնի մեջ լաց լինում կամ ճչում:

Երեխան դրսևորում է տարիքին անհամապատասխան սեքսուալ վարք:

Հրաժարվում է սննդից կամ չափազանց ընտրողական է սնվելու մեջ:

Կամակոր է, անհանդուրժող, անհարմար իրավիճակներ է ստեղծում ծնողների համար:

Կրկնվող գործողություններ է կատարում` եղունգներն է կրծում, կոճակի հետ է խաղում, ունքերն է պոկոտում, մատն է ծծում կամ մեկ այլ նմանատիպ գործողություն է կատարում:

Երեխան կպչուն մտքեր ունի, հաճախակի տալիս է միևնույն հարցը, անդադար կրկնում նույն միտքը:

Ապրում է կոնֆլիկտային, անհաշտ ընտանիքում:

Երեխայի ընտանիքի անդամներից մեկը հաշմանդամ է կամ հոգեկան հիվանդությամբ է տառապում, ալկոհոլիկ է կամ թմրամոլ, անկողնային հիվանդ և այլն:

Երեխան ականատես է լինում կամ ինքն է ենթարկվում բռնության:

Երեխայի ծնողներից մեկը երկար բացակայում է, արտագնա աշխատանք է կատարում:

Դեմքի կամ մարմնի որևէ մկանային խումբ պարբերաբար ոչ կամածին կծկվում է, կամ կրկնվող անկառավարելի ձայներ է հանում (տիկեր ունի):

Երեխան պարբերաբար ծաղրի ու հալածանքի է ենթարկվում դպրոցում կամ այլ միջավայրում:

Երեխան 3 տարեկանից մեծ է և կախվածություն ունի մոտ հարազատներից մեկից, դժվարանում է բաժանվել նրանից անգամ կարճ ժամանակով (մայրիկ, հայրիկ, տատիկ և այլն):

Երեխան անհամապատասխան ախորժակ և ավելորդ քաշ ունի:

Երեխան սառը, անտարբեր վերաբերմունք ունի իրեն շրջապատող մարդկանց նկատմամբ: Չափից շատ ժամանակ է անցկացնում հեռախոսով կամ համակարգչով զբաղվելով: