Արդյո՞ք իմ դեռահասն ունի հոգեբանի կարիք

Դեռահասն ինքնամփոփ է, խուսափում է հասակակիցների հետ շփումից:

Կոնֆլիկտային հարաբերություններ ունի քրոջ/եղբոր կամ մտերիմ մեծահասակների հետ:

Տրամադրության կտրուկ, ծայրահեղ տատանումներ ունի:

Հայտնվում է իր համար վտանգավոր իրավիճակներում, ռիսկային վարքագիծ է դրսևորում, վտանգավոր արարքներ է կատարում:

Խիստ կասկածամիտ է շրջապատող միջավայրի հանդեպ, շարունակ վտանգ է սպասում ծանոթ կամ անծանոթ մարդկանցից:

Դեռահասը գերակտիվ է, անդադրում, իմպուլսիվ, ցրված, անուշադիր:

Ունի անհաղթահարելի վախեր և ֆոբիաներ:

Դեռահասն ունի ցածր ինքնագնահատական, դժգոհություն սեփական անձից, տեսքից, հնարավորություններից և այլն:

Չափազանց ագրեսիվ է, կոնֆլիկտային, կռիվների մեջ է հայտնվում, հարվածում, վնասում այլոց, հայհոյանքներով է խոսում:

Դեռահասը մտերիմ բարեկամ, ծնող, հարազատ կամ սիրած կենդանի է կորցրել:

Դեռահասի ծնողները ամուսնալուծվել են:

Ծանր սթրես է տարել` բռնություն, կորուստ, դաժան վերաբերմունք, երկարատև բաժանում, ավտովթար, պատերազմական իրավիճակներ, հոսպիտալացում և այլն:

Չափազանց հաճախ է հիվանդանում, հաճախակի փորացավեր, գլխացավեր ունի:

Հաճախ է խոսում կամ մտածում մահվան մասին, կորցրել է ապրելու իմաստը:

Գիշերամիզություն ունի:

Չափից շատ ժամանակ է անցկացնում պոռնոգրաֆիկ նյութեր դիտելու վրա:

Դանդաղկոտ է, կաշկանդված, իրեն պաշտպանել չի կարողանում:

Դեռահասը գողության հակում ունի:

Իր գործողությունների համար պատասխանատվություն չի վերցնում, անհետևողական է:

Հաճախակի ստում է:

Ունի ուսումնական դժվարություններ, չի հասցնում դպրոցում:

Ունի մոտիվացիայի կամ էներգիայի պակաս, կորցրել է հետաքրքրությունը իր սիրած զբաղմունքների կամ ընկերների հանդեպ:

Դեռահասն ակնհայտ տարբերվում է իր զարգացման մակարդակով, վարքով կամ որևէ այլ բանով իր հասակակից դեռահասներից:

Ունի ուշադրությունը կենտրոնացնելու դժվարություն, չափազանց ցրված է:

Առկա են ինքնավնասման փորձեր՝ կտրածի կամ վառածի հետքեր մարմնի վրա:

Ուրիշների ներկայությամբ կամ առհասարակ երկարատև լռելու հակում ունի:

Քնի խանգարումներ ունի, քուն մտնելու կամ արթնանալու դժվարություն, մակերեսային քուն:

Դեռահասը դրսևորում է հանդուգն սեքսուալ վարք:

Անկառավարելի ուտում է, կամ հրաժարվում սննդից, քաշի կտրուկ ավելացում կամ կորուստ ունի, նկատում եք, որ սնվելուց հետո փսխում է:

Դեռահասը դարձել է առավել ագրեսիվ շրջապատի հանդեպ, հաճախ է ունենում կատաղության պոռթկումներ:

Կրկնվող գործողություններ է կատարում, օրինակ՝ եղունգներն է կրծում, կոճակի հետ է խաղում, սովորականից խիստ տարբերվող հաճախականությամբ լվանում է ձեռքերը կամ կատարում այլ նմանատիպ կպչուն գործողություններ:

Դեռահասը կպչուն մտքեր ունի, հաճախակի խոսում է միևնույն բանի մասին, անդադար կրկնում նույն միտքը:

Ապրում է կոնֆլիկտային, անհաշտ ընտանիքում:

Դեռահասի ընտանիքի անդամներից մեկը հաշմանդամ է կամ հոգեկան հիվանդությամբ է տառապում, ալկոհոլիկ է կամ թմրամոլ, անկողնային հիվանդ և այլն:

Դեռահասն ականատես է լինում կամ ինքն է ենթարկվում բռնության:

Դեռահասի ծնողներից մեկը երկար բացակայում է, արտագնա աշխատանք է կատարում:

Դեմքի կամ մարմնի որևէ մկան պարբերաբար ոչ կամածին կծկվում է, ձայներ է հանում(տիկեր ունի):

Դեռահասը պարբերաբար ծաղրի ու հալածանքի է ենթարկվում դպրոցում կամ այլ միջավայրում:

Դեռահասը հոգեակտիվ նյութեր է օգտագործում կամ կախվածություն ունի դրանցից:

Դեռահասը սառը, անտարբեր վերաբերմունք ունի իրեն շրջապատող մարդկանց նկատմամբ: Չափից շատ ժամանակ է անցկացնում հեռախոսով կամ համակարգչով զբաղվելով: