Արդյոք ունե՞մ հոգեբանի կարիք

Մարմնի կամ դեմքի հատվածում մկանային կծկումներ ունեք:

Դուք չափից շատ զգայուն, նյարդային կամ բռնկվող, կոնֆլիկտային, ագրեսիվ եք:

Դուք մտերիմ եք կորցրել և արդեն մի քանի տարի է, ինչ այդ մարդու մասին մտքերը հանգիստ չեն տալիս:

Պարբերաբար ունենում եք անորոշ տագնապի կամ ուժեղ վախի զգացում, արագ սրտխփոց, որը կարող է ավարտվել անգամ շտապօգնության այցով:

Սեքսուալ ոլորտի խնդիրներ ունեք կամ բավարարված չեք ձեր սեռական կյանքից:

Հաճախակի գլխացավեր, միգրեն ունեք:

Շրջապատում ամեն բան վտանգավոր է թվում, կյանքն անարդար և չար:

Հաճախակի նյարդային պոռթկումներ եք ունենում, երբեմն անհիմն:

Ձեզ տանջում է որևէ վախ` փակ տարածությունից, հանրության առջև ելույթ ունենալուց, բարձրությունից, թիթեռներից, հիվանդանալուց, մահանալուց, հարազատ մեկին կորցնելուց և այլն:

Սթրեսային իրավիճակում կարող է նյարդային կամ ագրեսիվ պոռթկում ունենաք կամ լաց լինեք:

Պարբերաբար կատարում եք գործողություններ, երբեմն աննպատակ և անիմաստ, որոնք կամային ճիգերով դադարեցնելն անհրարին է:

Մարսողության խանգարումներ ունեք:

Շփումը Ձեզ չի բավարարում:

Ձեր մտերիմներից մեկի կամ մի քանիսի կողմից հոգեբանական կամ ֆիզիկական ճնշումների, բռնության եք ենթարկվում:

Դուք կարծում եք, որ սիրո արժանի չեք:

Դժվար եք շփվում մարդկանց հետ, մեկուսանում եք:

Դժգոհ եք Ձեր տեսքից կամ բնավորությունից:

Դուք շարունակում եք նիհարել, սակայն Ձեր տեսքը Ձեզ չի գոհացնում:

Չեք վստահում որևէ մեկին:

Դուք անզուսպ ուտելու ցանկություն ունեք, քաշի ավելացումը չի պակասեցնում ախորժակը:

Ձեզ տանջում են տեղի ունեցած ցնցումային դեպքի մասին մտքերն ու հիշողությունները, երազները:

Ձեզ անհաջողակ եք համարում կյանքի մի քանի կարևոր ոլորտում:

Տարաբնույթ մաշկային խնդիրներ ունեք:

Կյանքը դասավորվել է ոչ այնպես, ինչպես Դուք կցանկանայիք:

Չափից շատ ամաչկոտ եք:

Այլ մարդկանց խնդիրները սրտին չափազանց մոտ եք ընդունում:

Ձեզ հաճախ շահագործում են ընկերներն ու մտերիմները, շրջապատի մարդիկ:

Դուք դժբախտ սիրո պատմություն եք ունեցել:

Կյանքն անիմաստ, անպետք է թվում:

Մահվան կամ ինքնասպանության մասին մտքեր են առաջանում:

Անընդհատ հոգնածությունն ու սպառվածությունը խանգարում են կենտրոնանալ:

Ձեզ միայնակ, չհասկացված և մերժված եք զգում:

Կպչուն մտքեր ունեք, որոնք անընդհատ կրկնվում են, խանգարում, կամքով դրանք ցրել չեք կարողանում:

Դուք ավելի շատ տխուր, քան ուրախ եք լինում:

Երազանքների և հույսերի բացակայություն եք զգում:

Ցածր ինքնագնահատական ունեք, անընդհատ թերագնահատում եք Ձեզ և Ձեր հնարավորությունները:

Անքնություն, մղձավանջներ կամ շատ մակերեսային քուն ունեք:

Դուք կախվածություն եք զգում ալկոհոլից, թմրամիջոցներից, խաղից կամ մեկ այլ բանից: