Լոգոպեդ-ծնող փոխհամագործակցության կարևոր 6 խորհուրդ
Եթե երեխայի ներդաշնակ և առողջ զարգացումը կախված է ընտանիքից, ծնողից, այն միջավայրից, որում մեծանում է երեխան, ապա լոգոպեդական աշխատանքում երեխայի խոսքի զարգացումը կախված է ինչպես ճիշտ և գրագետ կազմակերպված շտկողական աշխատանքից, այնպես էլ լոգոպեդ-ծնող փոխհամագործակցությունից։
Ձեզ ենք ներկայացնում մի քանի պարզ խորհուրդներ, որոնց պետք է ուշադրություն դարձնել, եթե երեխան հաճախում է լոգոպեդի մոտ։
- Որպեսզի լոգոպեդական աշխատանքի ընթացքում ուսուցանվող նյութը ամրապնդվի և հեշտ, արագ յուրացվի երեխայի կողմից, ապա անհրաժեշտ է տնային աշխատանքների մշտական կատարում (նախապես լոգոպեդի կողմից մշակված),
- Տանը ծնողի կողմից երեխայի հետ աշխատանքը (10-15ր.) պետք է կազմի օրվա ռեժիմի մի մասը։ Նման ռեժիմի պահպանումը նպաստում է ոչ միայն ուսուցանվող նյութի ամրապնդմանը, այլ նաև ձևավորում և զարգացնում է երեխայի մեջ կարգապահությունը,
- Շատ կարևոր է որոշել ընտանիքի անդամներից ո՞վ է մշտական կատարելու լոգոպեդի կողմից տրված հանձնարարականներ։ Ընտանիքի անդամները պետք է մշակեն միասնական պահանջների շարք, որոնք կներկայացնեն երեխային, որպեսզի երեխայի համար պարզ լինի, թե ինչ է իրենից պահանջվում, ին՞չ պետք է անի և ին՞չպես: Ուստի միասնական մոտեցումն ու աջակցումը խրախուսվում է և գործում ի շահ ձեր երեխայի:
- Սիրելի ծնոնղներ առաջադրանքները ստանալիս ուշադիր ծանոթացեք բովանդակությանը, հստակ համոզվեք, որ այն ձեզ հասկանալի է։ Դժվարությունների առաջացման դեպքում անպայման խորհրդակցեք ձեր լոգոպեդի հետ։
- Կարևոր է ճիշտ ընտրել այն խաղային նյութը, որը ձեզ պետք կգա առաջադրանքը կատարելիս կամ կարող եք մտածել թե ինչ դիդակտիկ նյութ կպատրաստեք երեխայի հետ միասին տրված հանձնարարականի շրջանակում,
- Շատ կարևոր է լինել համբերատար երեխայի հետ, ուշադիր եղեք երեխայի նկատմամբ առաջադրանքը կատարելիս։ Աշխատանքի ընթացքում դուք ինքներդ պետք է ամբողջովին ներգրաված լինեք այդ գործընթացի մեջ, ամբողջ ընթացքը պետք է հետաքրքիր լինի երեխային, միևնույն ժամանակ պետք է պահանջկոտ լինեք։ Երբեք մի մոռացեք խրախուսել, գովել երեխային իր հաջողություններ համար՝ լինեն փոքրիկ թե մեծ։
Հեղինակ՝ լոգոպեդ Աննա Հոսեփյան
