Ընդհանուր դրույթներ
Սույն պայմանները կարգավորում են «Երկուսով» հոգեբանական մասնագիտացված կենտրոնի կայքի օգտագործումը, ծառայությունների ամրագրումը և առցանց վճարումների իրականացումը։
Օգտվելով կայքից՝ Դուք հաստատում եք, որ ծանոթացել եք սույն պայմաններին և համաձայն եք դրանց։
Կայքի օգտագործումը
Կայքը նախատեսված է «Երկուսով» հոգեբանական մասնագիտացված կենտրոնի ծառայությունների, մասնագետների և ծրագրերի մասին տեղեկություններ տրամադրելու, ինչպես նաև խորհրդատվության ամրագրումն ապահովելու համար։
Կայքում հրապարակված նյութերը նախատեսված են բացառապես ընդհանուր իրազեկման նպատակով և չեն փոխարինում մասնագետի անհատական խորհրդատվությանը։
Ծառայությունների ամրագրում
Կայքի միջոցով կատարված ամրագրումը համարվում է հաստատված վճարման հաջող ավարտից հետո։
Ծառայության ամրագրման ընթացքում այցելուն պարտավորվում է տրամադրել ճշգրիտ և ամբողջական տվյալներ։ Սխալ կամ թերի տվյալների տրամադրման դեպքում կենտրոնը պատասխանատվություն չի կրում ծառայության մատուցման հետ կապված հնարավոր դժվարությունների համար։
Վճարում, չեղարկում և գումարի վերադարձ
Խորհրդատվության համար կատարված վճարումից հետո այցելուի կողմից ընտրված ժամի ու մասնագետի մոտ գրանցումը հաստատվում է։
Պայմանավորված հանդիպմանը չներկայանալու մասին այցելուն պարտավորվում է աշխատանքային ժամերին (Երկուշաբթի-շաբաթ օրերին 10:00-19:00) տեղեկացնել գրասենյակի հեռախոսահամարներին զանգահարելով։ Եթե հանդիպումը չեղարկելու անհրաժեշտությունն առաջացել է գիշերը կամ ոչ աշխատանքային օրերին, ապա այցելուն պարտավորվում է գրավոր ձևով տեղեկացնել գրասենյակի էլեկտրոնային հասցեին կամ սոցիալական մեդիայի միջոցով հաղորդագրություն ուղարկելով։ Այցելուն կարող է նաև անձամբ մասնագետին տեղեկացնել նախապես պայմանավորված կապի միջոցով՝ միաժամանակ հաշվի առնելով, որ ոչ աշխատանքային օրերին և ժամերին մասնագետը ևս չի պարտավորվում կարդալ կամ պատասխանել աշխատանքային նամակագրությանն ու հաղորդագրություններին։
Եթե այցելուն չի ներկայանում խորհրդատվությանը կամ նախապես չի տեղեկացնում չեղարկման մասին, վճարված գումարը ենթակա չէ վերադարձի։
Եթե ծառայությունը չի մատուցվում կենտրոնից կախված պատճառներով, այցելուին առաջարկվում է նոր ժամ կամ, անհրաժեշտության դեպքում, կատարվում է վճարված գումարի ամբողջական վերադարձ։
Վճարի վերադարձը, եթե դրա համար առկա են հիմքեր, իրականացվում է մինչև 5 (հինգ) աշխատանքային օրվա ընթացքում՝ այցելուի կողմից տրամադրված դրամային հաշվեհամարին։